नुकत्याच जाहीर झालेल्या राष्ट्रीय पात्रता परीक्षा (UGC NET 2019) निकालामध्ये आंबव येथील राजेंद्र माने अभियांत्रिकी महाविद्यालयाच्या तीन प्राध्यापकांनी नेत्रदीपक यश संपादन केले आहे.
विद्यापीठ अनुदान आयोग (युजीसी) ने जुन २०१९ मध्ये घेतलेल्या या परीक्षेचा निकाल नुकताच जाहीर झाला आहे. त्यामध्ये महाविद्यालयाच्या प्रा. मुश्ताक गडकरी, प्रा. लक्ष्मण नाईक तसेच प्रा. सुरेश कोळेकर यांनी संगणक शास्त्र विषयामधून विशेष श्रेणी प्राप्त केली आहे.
ही परीक्षा राष्ट्रीय स्तरावर वर्षातून दोन वेळा घेतली जाते. यावेळी तब्बल ४३,००० उमेदवारानी ही परीक्षा दिली व त्यामध्ये जवळपास सहा टक्के इतके उमेदवार उत्तीर्ण झाले. सदर परीक्षा यशस्वीपणे पूर्ण करून पात्र ठरलेले तिन्ही प्राध्यापक हे या महाविद्यालयाच्या कॉम्पुटर विभागामध्ये कार्यरत आहेत.
या प्राध्यापकांच्या उज्ज्वल यशाबद्दल प्र. शि. प्र. संस्थेचे अध्यक्ष व माजी राज्यमंत्री. मा. रविन्द्रजी माने, कार्याध्यक्षा सौ. नेहा माने, प्राचार्य डॉ. महेश भागवत तसेच महाविद्यालयातील सर्व प्राध्यापकानी त्यांचे अभिनंदन केले.
प्रा. मुश्ताक गडकरी
प्रा. सुरेश कोळेकर
प्रा. लक्ष्मण नाईक
No comments:
Post a Comment