राजेंद्र माने एम एम एस मध्ये “एक्सप्लोअर – 2 के 23” महोत्सवाचे यशस्वी आयोजन

 राजेंद्र माने एम एम एस मध्ये “एक्सप्लोअर – 2 के 23” महोत्सवाचे यशस्वी आयोजन

 

देवरुख:

प्रबोधन शिक्षण प्रसारक संस्थेच्या आंबव येथील राजेंद्र माने महाविद्यालयामधील एम.एम.एस विभागाचा   “एक्सप्लोअर – 2 के 23”  हा दोन दिवसाचा वार्षिक मॅनेजमेंट फेस्टिवल दिमाखात संपन्न झाला.  रत्नागीरी जिल्ह्यातील विविध पदवी महाविद्यालयात शिक्षण घेणा-या विद्यार्थ्यांसाठी या महोत्सवाचे आयोजन करण्यात येते. बेस्ट परसोना स्पर्धा व जनरल चॅम्पियनशिप सारखी मुख्य आकर्षण असणा-या या दोन दिवसीय मॅनेजमेंट फेस्टिवलमध्ये अॅडमॅड जुनून, बेस्ट आउट ऑफ वेस्ट, रंगोली, फोटोग्राफी, फेस पेंटिंग, पोस्टर मेकिंग, बिझिनेस क्विझ यासारख्या विविध गुणदर्शन स्पर्धा घेण्यात आल्या. जिल्ह्यातील जवळपास ०९ महाविद्यालयातील सुमारे २२५ विद्यार्थ्यांनी यामध्ये आपला उत्स्फूर्त सहभाग नोंदवून कार्यक्रम यशस्वी केला.  

कार्यक्रमाच्या नुकत्याच झालेल्या सांगता समारंभ प्रसंगी संस्थेचे संस्थापक श्री. रविंद्रजी माने यांच्याबरोबर व्यासपीठावर प्रद्युम्न माने, प्रमुख पाहुणे व आठल्ये सप्रे कॉलेज देवरुखचे प्राचार्य डॉ. नरेंद्र तेंडोलकर, महाविद्यालयाचे प्राचार्य डॉ. महेश भागवत, एम एम एस विभागप्रमुख प्रा. मोहन गोसावी उपस्थित होते.

 

 कार्यक्रमाची सुरुवात दीपप्रज्वलन व सरस्वती वंदनाने करण्यात आली. प्रा. मोहन गोसावी यांनी प्रास्ताविक करताना मॅनेजमेंट फेस्टिवल आयोजनामागील उद्देश स्पष्ट केला. तसेच विभागाच्या वतीने उपस्थित मान्यवर व स्पर्धक विद्यार्थ्यांचे स्वागत केले. यानंतर महविद्यालयाचे प्राचार्य डॉ. महेश भागवत यांनी आपले मनोगत व्यक्त करताना महाविद्यालयातील अभ्यासक्रम व रोजगाराभिमुख उपक्रमांची माहिती दिली. तसेच स्पर्धेतील महाविद्यालये व विद्यार्थ्यांच्या भरघोस प्रतिसादाबद्दल त्यांचे अभिनंदन करून आभार मानले. 

यानंतर डॉ. तेंडोलकर यांनी मार्गदर्शन केले. त्यांनी सध्याची स्पर्धा हि विविध कारणामुळे कठीण बनत असली तरीही त्यासाठी उत्तम तयारी व योग्य तंत्राची जोड दिल्यास जिंकणे सोपे होऊन जाइल असे सांगितले. जोपर्यंत तुम्ही प्रयत्न सोडत नाही तोपर्यंत तुम्ही पराभूत होऊ शकत नाही हा कानमंत्र त्यांनी दिला. तसेच कार्यक्रमाचे  यशस्वी आयोजन व इतर विविध उपक्रमांबद्दल राजेंद्र माने महाविद्यालयाच्या एम.एम.एस विभागाचे कौतुक केले. सहभागी स्पर्धकांनीही या फेस्टिवलमधील सहभाग व महाविद्यालय परिसरातील दोन दिवस एक सुंदर अनुभव होता असे सांगितले.

माजी राज्यमंत्री श्री. रवींद्र माने यांनी आपल्या अध्यक्षीय भाषणात संस्थेची मागील पंचवीस वर्षातील यशस्वी वाटचाल अधोरेकीत करताना यामध्ये योगदान असणा-या सर्वांच्या कष्टाचे हे फलित असल्याचे नमूद केले. उद्योग धंद्यामध्ये यशस्वी होण्यासाठी व्यवस्थापकीय ज्ञानाबरोबरच अशा स्पर्धांमधील सहभाग  नेहमीच उपयुक्त असल्याचे ते म्हणाले. “एक्सप्लोअर – 2 के 23” मध्ये सहभागी सर्व विद्यार्थ्यांचे त्यांनी अभिनंदन करून पुढील वाटचालीसाठी शुभेच्छा दिल्या.

 

या स्पर्धांमध्ये प्रामुख्याने गोगटे जोगळेकर महाविद्यालय  रत्नागिरी, इंदिरा इंस्टीट्युट ऑफ फार्मसी देवरुख, आठल्ये सप्रे महाविद्यालय देवरुख, नवनिर्माण कॉलेज संगमेश्वर, आबासाहेब मराठे कॉलेज राजापूर इ. महाविद्यालयांच्या विद्यार्थ्यांनी या महोत्सवामध्ये आपला सहभाग नोंदवला.

यानंतर मान्यवरांच्या हस्ते विजेत्या विद्यार्थ्यांना प्रमाणपत्रे, रोख रकमेची पारितोषिके देण्यात आली. रत्नागिरीच्या गोगटे जोगळेकर महाविद्यालय  महाविद्यालयाच्या विद्यार्थ्यांनी जास्तीत जास्त विजेतेपदे मिळवत एक्सप्लोअर २ k १९ जनरल चॅम्पियनशिप पटकाविली. कार्यक्रमाचे नियोजनामध्ये एम एम एस विभागातील सर्व प्राध्यापक, विद्यार्थी प्रतिनिधी व इतर कर्मचा-यांचे बहुमोल सहकार्य लाभले.

 

फोटो:       

राजेंद्र माने अभियांत्रिकी महाविद्यालयाला ‘टेक कार्निवल २के२३’ मध्ये जनरल चॅम्पियनशीप

 राजेंद्र माने अभियांत्रिकी महाविद्यालयाला ‘टेक कार्निवल २के२३’ मध्ये जनरल चॅम्पियनशीप

आंबव येथील प्र. शि. प्र. संस्थेच्या राजेंद्र माने अभियांत्रिकी महाविद्यालयातील विद्यार्थ्यांनी विद्यापीठाच्या टेक कार्निवल २K२३ या राष्ट्रीय स्तरावरील फेस्टिवलमध्ये जनरल चॅम्पियनशीप प्राप्त करीत सुयश संपादन केले.

या स्पर्धेत कोडींग आय टी, वेबसाईट डेव्हेलपमेंट, पीपीटी प्रेसेंटेशन, व्हिडीओ मेकिंग तसेच क्विझ यासारख्या  विविध स्पर्धा प्रकारांचा समावेश होता. यामध्ये महाविद्यालयाच्या कॉम्पुटर इंजिनीरिंग व एम एम एस विभागातील ३३  विद्यार्थ्यांनी सहभाग नोंदवत चमकदार कामगिरी केली आहे.  

या स्पर्धांमध्ये मनोज गोठणकर याने वेबसाईट डेव्हेलपमेंटमध्ये प्रथम, यश सावर्डेकर व आदित्य पत्याने यांनी क्विझ मध्ये प्रथम तर सर्वेश बाईंग, सुधीर चारकरी यांनी क्विझ मध्ये द्वितीय व चैतन्य राजवाडे व मैत्रेय जुवेकर यांनी क्विझ मध्ये तृतीय क्रमांक प्राप्त केला. मानव जाधव व आदित्य पत्याने यांनी कोडींग आय टी मध्ये तर शकीर धामसकर याने पीपीटी प्रेसेंटेशनमध्ये उत्तेजनार्थ यश संपादन केले.

हा कार्यक्रम देवरुख येथील आठल्ये सप्रे महाविदयालय येथे पार पडला.महाविद्यालयाच्या विद्यार्थ्यांनी प्रथम क्रमांकाची दोन, द्वितीय क्रमांकाची दोन, तिसऱ्या क्रमांकाचे एक व उत्तेजनार्थ तीन अशी एकूण आठ पारितोषिके प्राप्त केली. देवरुख शिक्षण प्रसारक संस्थाध्यक्ष श्री. सदानंद भागवत यांच्या अध्यक्षतेखाली पार पडलेल्या समारोप कार्यक्रमात विद्यार्थ्यांचा एकूण सहभाग व मिळविलेल्या एकूण पारितोषिकांच्या आधारे माने अभियांत्रिकी महाविद्यालयाला स्पर्धेची जनरल चॅम्पियनशीप बहाल करण्यात आली.

महाविद्यालयामधील सहभागी विद्यार्थ्याना एम एम एस विभागप्रमुख प्रा. मोहन गोसावी व प्रा. श्रमिका आर्ते यांचे मार्गदर्शन लाभले. विद्यार्थ्यांच्या या यशाबद्दल संस्थाध्यक्ष मा. रवींद्र माने, कार्यकारी अध्यक्षा सौ. नेहा माने, प्राचार्य डॉ. महेश भागवत, तसेच सर्व विभागप्रमुखांनी त्यांचे अभिनंदन केले.

राजेंद्र माने अभियांत्रिकी महाविद्यालयाचे वार्षिक स्नेहसंमेलन “आरोहण 2k23” दिमाखात संपन्न

 राजेंद्र माने अभियांत्रिकी महाविद्यालयाचे वार्षिक स्नेहसंमेलन “आरोहण 2k23” दिमाखात संपन्न

महाविद्यालयाचे माजी विद्यार्थी संकेत प्रभू व अभिनेता संकेत कोर्लेकर प्रमुख अतिथी

देवरुख:

तालुक्यातील प्र. शि. प्र. संस्थेच्या राजेंद्र माने अभियांत्रिकी महाविद्यालयाचे  २४ वे वार्षिक स्नेहसंमेलन “आरोहण २के२३” दिमाखात संपन्न झाले. अभिनय व उद्योग क्षेत्रातील नामांकित व्यक्तिची उपस्थिती, आंतरमहाविद्यालयीन कला, क्रीडा व सांस्कृतिक स्पर्धां, डेज, प्राध्यापक व विद्यार्थ्यांच्या वर्षाभरातील विशेष कामगिरीचा गौरव यामुळे विद्यार्थ्यांमध्ये उत्साहाचे वातावरण होते.

गेले आठवडाभर चाललेल्या या संमेलनाचा समारोप नुकताच पार पडला. या कार्यक्रमाला महाविद्यालयाचे माजी विद्यार्थी व इन्फोजेन लॅब्ज मुंबईचे डायरेक्टर संकेत प्रभू आणि मराठी सिने  व सीरिअल विश्वातील प्रसिद्ध अभेनेता संकेत कोर्लेकर विशेष निमंत्रित होते. यावेळी संस्थाध्यक्ष मा. रविंन्द्रजी माने, कार्यकारी अध्यक्षा सौ. नेहा माने, प्रद्युम्न माने, प्राचार्य डॉ. महेश भागवत, डॉ. राहुल दंडगे, श्री. मुश्ताक गडकरी, सर्व विभागप्रमुख,  तसेच पत्रकार प्रमोद हर्डीकर, सचिन मोहिते, सुरेश करंडे, पर्णिका सावंत व्यासपीठावर उपस्थित होते.

समारंभाला मान्यवरांच्या हस्ते दिपप्रज्वलनाने सुरुवात करण्यात आली. यानंतर प्रमुख पाहुणे व अन्य मान्यवरांचे महाविद्यालयाच्या वतीने यथोचित स्वागत करण्यात आले.

यानंतर प्रथम प्राचार्यांनी महाविद्यालयाचा वार्षिक अहवाल सादर केला. यामध्ये त्यांनी महाविद्यालयातील मुख्य घडामोडी व उपक्रम, महाविद्यालयाला मिळालेले पुरस्कार, तसेच विविध विभागातील प्राध्यापक व विद्यार्थ्यांच्या गौरवांकित कामगिरीची माहिती दिली. यानंतर विशेष अतिथी संकेत प्रभू यांनी विद्यार्थ्यांना मार्गदर्शन केले.  आपल्या भाषणात त्यांनी उद्योग क्षेत्राशी निगडीत गोष्टींची सविस्तर माहिती दिली. तसेच विद्यार्थ्यांनी कोणताही न्यूनगंड न बाळगता आपली प्रतिभा जगासमोर आणण्याची गरज असल्याचे बोलून दाखविले. महाराष्ट्रातील शिक्षित तरुणांना नोकरीच्या संधी तयार करणे या उद्देशाने प्रामुख्याने आपण काम करीत असल्याचे सांगून माने अभियांत्रिकी महाविद्यालयातील विद्यार्थ्यांच्या रोजगारासाठी विशेष प्रयत्न करणार असल्याचे नमूद केले .

यानंतर तरुणाईच्या आवडीच्या सिने  व सीरिअल विश्वातील प्रसिद्ध अभेनेता संकेत कोर्लेकर यांनी विद्यार्थ्यांशी संवाद साधला. त्यांनी सिनेसृष्टीतील आपला सुरुवातीचा खडतर प्रवास मांडताना आपल्या टकाटक पासून ते बाबासाहेब आंबेडकर, हम बने  तुम बने ते अजूनही बरसात आहे यासारख्या  विविध टेलेव्हिजन सीरिअल पर्यंतचा यशस्वी प्रवास उलगडून दाखवला तसेच याच महाविद्यालयातील विद्यार्थी दशेतील आठवणींना उजाळा दिला. विद्यार्थ्यांना त्यांनी मेहनतीला कोणतीही मर्यादा नसावी व आईवडिलांच्या कष्टाची नेहमी जाणीव ठेवण्याचा मोलाचा सल्ला दिला.  

यानंतर मा. रवींद्र माने यांनी आपल्या अध्यक्षीय भाषणात हे महाविदयालय प्रामुख्याने कोकणच्या मुलांना अभियांत्रिकी शिक्षणाची संधी उपलब्ध व्हावी या संकल्पनेतून सुरु केल्याचे सांगून ते म्हणाले, विद्यार्थ्यांना आज उपस्थित मान्यवरांनी केलेल्या मार्गदर्शनातून एक दिशा, जिद्द, जागरूकता  व नवे विचार मिळतील. त्यांनी उपस्थित दोन्ही मान्यवर आपल्या ज्ञानाचा समाजासाठी उपयोग करीत असल्याचे सांगून त्यांच्या कार्याचे विशेष कौतुक केले. यावेळी त्यांनी महाविद्यालयाचे मेकॅनिकल विभागातील प्रा. अच्युत राउत व प्रा. प्रशांत क्षीरसागर यांनी नुकतीच डॉक्टरेट पदवी संपादन केल्याबद्दल त्यांचा गौरव केला.

बक्षीस वितरण समारंभाने संमेलनाची सांगता करण्यात आली. यामध्ये मान्यवरांच्या हस्ते विजेत्यांना करंडक, प्रशस्तीपत्रके व रोख पारितोषिकांचे वितरण करण्यात आले. यावेळी महाविद्यालयाच्या  विभागवार प्रथम येणा-या प्रत्येक विद्यार्थ्यास कै. इंदुमती माने अॅवार्ड, प्रथम वर्ष अभियांत्रिकीमध्ये प्रथम आलेल्या विद्यार्थ्यास कै. राजेंद्र माने  अॅवार्ड तसेच सर्वोत्कृष्ट विद्यार्थ्याला चेअरमन अॅवार्डस घोषित करण्यात आली. सर्वोत्कृष्ट विद्यार्थी हा किताब कॉम्पुटर विभागातील विद्यार्थि भावेश सावंत याने पटकाविला.  बेस्ट रिसर्च पेपर किताब डॉ. अच्युत राउत यांना देण्यात आला.

यानंतरच्या सांस्कृतिक कार्याक्रमावेळी विद्यार्थ्यांनी नेत्रदीपक  नृत्यविष्कार सादर केले. अभिनेता संकेत कोर्लेकर यांनीही दुनियादारी चित्रपटातील एका गाण्यावर नृत्य सदर करीत सर्वांची मने जिंकली. स्नेहसंमेलनाच्या या समारोप कार्यक्रमाचे सूत्रसंचालन शुभम वाघधरे, भक्ती सावंत, विशालिनी अंकम या विद्यार्थ्यांनी केले. क्रीडा स्पर्धा विभागप्रमुख म्हणून प्रा. सुमित सुर्वे यांनी तर सांस्कृतिक स्पर्धा विभागप्रमुख म्हणून प्रा. स्वप्नील रावूळ यांनी काम पाहिले. प्रा. गणेश जागुष्टे, तसेच प्राध्यापक व कर्मचा-यांचे यासाठी विशेष सहकार्य लाभले. विविध स्पर्धांच्या यशस्वीतेसाठी विद्यार्थी कमिटी प्रमुख शुभम खामकर तसेच भावना परब, आशिष पाटकर, समृद्धी शिंदे