फोटो:- अंतिम वर्ष इलेक्ट्रॉनिक्स
व टेलिकॉम विभागाचे विद्यार्थी कार्यशाळेत प्रात्यक्षिक
करताना
आयओटी(IoT)- इंटरनेट ऑफ
थिंग्स हे नवीन तंत्रज्ञान विकसित झाले असून त्याचे विविध औद्योगिक क्षेत्रात असणारे फायदे
लक्षात घेता राजेंद्र माने अभियांत्रिकी महाविद्यालयाच्या इलेक्ट्रॉनिक्स
व टेलिकॉम विभागातर्फे “आयओटी (IoT)–इंटरनेट ऑफ
थिंग्स अँड सिरीअल बसेस” या विषयांतर्गत नुकतीच चार दिवसांची
कार्यशाळा संपन्न झाली.हि कार्यशाळा अंतिम वर्षाच्या विद्यार्थ्यांसाठी
आयोजित करण्यात आली व त्याला विद्यार्थ्यांनी चांगला प्रतिसाद दिला.अंतिम वर्षाच्या एकूण ५१ विद्यार्थ्यांनी सदर कार्यशाळेचा लाभ घेतला.
सन २०२० पर्यंत जवळपास २५ बिलियन
उपकरणे आयओटी या नवीन वायरलेस तंत्रज्ञानाद्वारे जोडली जातील व त्याद्वारे विद्यार्थ्यांना मुबलक
प्रमाणात नोकरी व्यवसायाच्या संधी उपलब्ध होणार आहेत.त्यामुळे या कार्याशाळेमध्ये
प्रोग्रॅमिंगद्वारे प्रात्यक्षिक करण्यावर भर देण्यातआला.या कार्याशाळेला श्री.राजेश रागासे व श्री.आनंद राउत (प्रॉलिफिक सिस्टिम्स अँड टेक्नोलॉजीस् प्रा.लि.,पुणे) या तज्ञांचे मार्गदर्शन लाभले. किल आयडीइ,ऑर्द्युनो आयडीइ,फ्लॅश मॅजिक या सॉफ्टवेअर माध्यमांचा उपयोग विद्यार्थ्यांनी केला.“आयओटी ची प्रस्तावना,करंट बिझनेस ट्रेंड्स इन आयओटी,इएसपी 8266 ची प्रस्तावना, इएसपी मोड्युलचे प्रकार व
वैशिष्ट्ये, इएसपी 8266 प्रोग्रामिंग इन ओर्द्युनो, इएसपी 8266 मध्ये वायफाय कसे कनेक्ट करावे,होम
अॅप्लिकेशन युसिंग आयओटी” आदी विषयांवर मार्गदर्शन व प्रात्यक्षिक करण्यात आले.
आयओटी या नवीन विषयाचे सखोल ज्ञान,त्याची व्याप्ती विद्यार्थ्यांना समजावी तसेच त्याविषयीच्या कौशल्याची वृद्धी व्हावी या उद्देशाने हि कार्यशाळा आयोजित केली होती.अशा कोर्सेसना भारत सरकारच्या ‘नॅशनल स्किल डेव्ह्लपमेंट कॉर्पोरेशनची’ मान्यताआहे.महाविद्यालयाने याच कारणास्तव प्रोलिफिक सिस्टिम्स अँड टेक्नोलॉजीस् प्रा.लि.,पुणे यांच्याशी सामंजस्य करार केला आहे.
कार्यशाळेच्या यशस्वीतेसाठी कार्यशाळा समन्वयक प्रा.संदिप
भंडारे,विभागप्रमुखप्रा.अजित तातुगडे व अन्य शिक्षकेतर कर्मचा-यांनी विशेष मेहनत घेतली तसेच महाविद्यालयाचे
प्राचार्य डॉ. महेश भागवत व संस्थाध्यक्ष
श्री.रविंद्रजी माने यांच्या सहकार्याबद्दल आभार व्यक्त केले.
No comments:
Post a Comment