माने अभियांत्रिकी महाविद्यालयात “सिंटीला 2k16”चे आयोजन!!

माने अभियांत्रिकी महाविद्यालयात “सिंटीला 2k16”चे आयोजन!!

  प्रबोधन शिक्षण प्रसारक संस्थेच्या राजेंद्र माने अभियांत्रिकी महाविद्यालयात दि.१८ व १९ मार्च रोजी  “सिंटीला 2k16” या राष्ट्रीय स्तरावरील तांत्रिक परिषदेचे भव्य आयोजन होणार आहे.अभियांत्रिकीमधील या विज्ञान युगातील नवनवीन होणारे तांत्रिक बदल,त्यातील वैविध्यता व व्यापकता विद्यार्थ्यांना समजण्याची दूरदृष्टी निर्माण व्हावी हा या परिषदेमागचा उद्देश आहे. 

  दोन दिवस चालणा-या या परिषदेमध्ये “प्रबंध सादरीकरण व प्रकल्प सादरीकरण” या प्रमुख स्पर्धांबरोबरच ‘रोबोरेस,गेमिंग,प्रोग्रामिंग स्किल्स,टेक्निकल क्विझ तसेच ब्रिज बिल्डींग’ यासारख्या स्पर्धांचा समावेश असणार आहे. या परिषदेत महाराष्ट्रातील तसेच महाराष्ट्राबाहेरील सुमारे ४०० स्पर्धक सहभागी होणार आहेत. महाराष्ट्राबाहेरील विद्यार्थ्यांकरता महाविद्यालयातच राहण्याची सोय करण्यात आली आहे. या परिषदेसाठी मलुष्टे प्रॉपर्टीस रत्नागिरी,प्रोलीफिक सिस्टिम्स पुणे,एसीसी सिमेंट वितरक श्री.रणजीत साने देवरुख,साईकृपा बिल्डर्स अॅंड कॉंट्रॅक्टर्स मुंबई,डीएम मॅनपॉवर सर्विसेस प्रा.लि.,वाशी,नवी मुंबई इ.मुख्य प्रायोजक आहेत.