आंबव येथील राजेंद्र माने अभियांत्रिकी महाविद्याल्यात “ “सायबर सिक्युरिटी अँड इथिकल हॅकिंग” ” वर कार्यशाळा

    देवरुख: आंबव येथील राजेंद्र माने अभियांत्रिकी महाविद्याल्यात संगणक अभियांत्रिकी विभागामार्फत “सायबर सिक्युरिटी अँड इथिकल हॅकिंग” या विषयावर दोन दिवसांची कार्यशाळा घेण्यात आली.या वेळी संगणक अभियांत्रिकीचे विभागप्रमुख प्रा. एल.एस.नाईक यांनी कार्यशाळेची उपयुक्तता विषद केली.

  दोन दिवस चाललेल्या या कार्यशाळेत सर्व विभागातील विद्यार्थ्यांनी सहभाग घेतला.या कार्याशाळेमध्ये दिल्ली येथील “गीक्स लॅब टेक्नॉलॉजीस” या अस्थापानातील तज्ञांचे मार्गदर्शन लाभले.या प्रसंगी “हॅकिंग ट्रीक्स आणि सिक्युरिटी अवेअरनेस” या विषयावर प्रात्यक्षिकांसह मार्गदर्शन केले गेले.

  कार्यशाळेच्या दुसर॒या दिवशी सहभागी विद्यार्थ्यांना प्रमाणपत्र व हॅकिंग टूलकीट वितरण करण्यात आले.यावेळी उत्स्फूर्तपणे अनुभव कथन करताना या कार्याशाळेमध्ये आपल्याला चांगली माहिती मिळाली असून दैनंदिन वाढणाऱ्या सायबर क्राईमपासून कसे सावध राहता येईल या विषयी अधिक मार्गदर्शन लाभले असे विद्यार्थ्यांनी सांगितले.महाविद्यालाचे प्राचार्य डॉ.एम. एम. भागवत यांनी सहभागी विद्यार्थ्यांना भविष्यातही अशा प्रकारच्या पाठ्यक्रमेतर उपक्रमांमध्ये सहभागी होऊन कौशल्य वृद्धी करणे आवश्यक आहे असे सांगितले.शेवटी आभार प्रदर्शन झाले.कार्यशाळेच्या यशस्वीतेसाठी विभागप्रमुख प्रा. एल.एस.नाईक, कार्यशाळा समन्वयक प्रा.व्ही.एन.माळवदे यांसह प्रा.(सौ)सावंत, प्रा.गमरे, प्रा.गजमल,श्री.महाडिक, श्री.शेलार यांनी कष्ट घेतले.